عەبدولڵا کەیخوسرەوی کۆچی دوایی کرد

ڕۆژان- سنه: عەبدولڵا کەیخوسرەوی، نووسەر، وەرگێڕ و ڕەخنەگری ئەدەبی خەڵکی سەقز و خاوەنی کتێبی ناسراوی «مەینەتی کوردبوون»، دوای ماوەیەکی درێژ به‌ربه‌ره کانێ لەگه‌ڵ نەخۆشی، چوارشه‌ممه 11ی خه‌رمانان له ته‌مه‌نی 78 ساڵیدا له نه‌خۆشخانه‌ی شاری سه‌قز کۆچی دوایی کرد.

کەیخوسرەوی یەکێک بوو لە که‌سایه‌تیه دیارەکانی ئەدەب و ڕۆشنبیری کوردستان و ژیانی خۆی بۆ نووسین، وەرگێڕان و گفتوگۆ لەسەر پرسی نه‌ته‌وه‌یی و کۆمەڵگە تەرخان کرد.

کتێبی «مەینەتی کوردبوون» بەرهەمێکی گرنگی ئەوە کە بە دیدێکی ڕەخنەگرانە ئەزموونی مێژوویی و نه‌ته‌وه‌یی کورد دەگێڕێتەوە و لە ماوەی سێ دەیەی ڕابردوو چەندین جار چاپکراوەتەوە.