ئهم كێوه كهرفتوو شێوه به هۆی نزیكی و ڕێگهی حازر و دهمودهست، دهتوانێ به لێدانی كهمپی حهوانهوه و شوێنه خزمهت گوزاریهكان ببێته شوێنی تایبهت به وهرزشوانانی شاخ و ئاواتهخوازانی بهردهوانی.
بهرههیوان و شانشینی باڵووقایه یان بهردهههنگان دهشتێك و سهیوانێكه به پانتای دهشتی بهرینی ئهحمهدئاوای سهرا له بهر لووتی سقز و بۆكاندا، ئهم پشتێنه بهردینه خواكرده دهڵێی وهستایهكهی كارامه دیانه بهرد و تێزهی وردی به دانسته له بان یهك ههڵچنیوه تا به چهقی ئاسماندا ههڵبچێ. سروشت كردێكی شهنگاڵه و شێوه كهرفتووێكی ڕهنگاڵهیه و نزیكترین شوێن به ناوهندی شار و ئاوهدانی و لكاو به ڕێگهی سهرهكی و شادهماری باژێڕهكانهوهیه.
باڵووقاییه وهك ناوهكهی باڵوو به مانی ههنگ و قایه به مانی بهرد، واته كونه بهرد بۆ ههنگهكان. ئهم هێما خواكرده و ئهم ئیلمانی سروشته به هۆی كار بۆ نهكهردن و نه ناساندنی وهك شوێنهوار، خهریكه دهكهوێته بهر چهكوشی كانزا بهرهكان. خاك و خۆڵ و دۆڵی شێواو و سروشتی زگدڕیاویش دهمێنێتهوه بۆ خاك و مهڵبهند و خهڵكهكهی.
ئهم شێوه ئهشكهوته وهك دیوارێكی كێشراو و ههڵچوو به جوانی له ڕادهبهدهر، هۆدهی شێوه كهندراوی زۆری تێدایه.
ئهم هۆدانه به سهر دهشت و مهڵبهندێكی پان و بهرین شێوه قهڕهوڵیایهكی گونجا و جوان دهنوێنێ و شانشینێكی له بهر دهڵانه به بۆن و بهرامهی كوێستانی بهرز و تۆكمهوه. ڕهۆڵی ئاودڕی درێژ و شێوه مهڕان و كوولی زۆری زهندۆڵ زهندۆڵ و پڕ ڕهۆڵ و كهند ولهندی له ناو قهدی ئاسمان دڕی تێدایه كه پڕواپڕه له حهزی جوانی.
باڵووقایه یان بهردهههنگان جگه له شوێنهوارێكی جوانی سروشتی، لهم سهردهمهدا به چهند هۆیهكی دیكهوه كهوتهته جێی سهرنج:
١- جێی ژیانی ههڵۆی دهگمهنی باڵزهرده.
٢- به هۆی ههبوونی بهردی خۆرسك و درێژ كۆڵهی ساف ولووس و تاقهجانی تایبهت و دیوارهشێوه، پاسارهی بهرین و كهوانهكردوو . بهردهوانهكان حهڵقه و زنجیرهیان لێ دامهزراندووه بۆ بهردهوانی و وانه گوتنهوه و ڕاهێنان.
٣- به هۆی ڕێگه پێچهڵپێچ و تهنگهبردی زۆرهوه، شاخهوانان بۆ ڕاهێنان و فێربوونی ڕهت بوون و سهركهوتن له كۆڵانهبهرد و رێگه بهردی ئهستهمی سهر ڕێگهی شاخ، وانه و خولی گرێلێدان و حهشارهلێدان لهوێ بهڕێوهدهبن.
٤- داوێنی باڵووقه و كڵاوهی باڵاقوویه و نێوقهدیشی تهژی له جوانییه. سروشتی جوان و خواكرد و كانیاو و كوول ومهڕانی بهردهم دیواره و پشتێنی باڵاقوویه دیمهنێكی جوانی گهشت وگوزاری داوه به گوندی "ئهحمهد ئاوای نزیك ئهم پشتێنه بهردینه.
٥- ئهم كێوه كهرفتوو شێوه به هۆی نزیكی و ڕێگهی حازر و دهمودهست و بێ كێشه، دهتوانێ به لێدانی كهمپی حهوانهوه و شوێنه خزمهت گوزاریهكان ببێته شوێنی تایبهت به وهرزشوانانی شاخ و ئاواتهخوازانی بهردهوانی.
ئەمڕۆ پەنجی گوڵانی ساڵی 2723 کوردی، بۆ پارێزگاری لە" بەردەهەنگان یان باڵووقایە، ژینگەپارێزانی ژیانی سەوزی سەقز، نیشتمانی ساحێب، ئەنجومەنی باوڕپێکراوانی سەقز و خەڵکی خۆجێی ئاواییەکانی نزیک و ژینگە دۆستان، بەرپرسانی سەرچاوە سروشتیەکان لە باڵووقایه گردبوونەوەی ناڕەزایەتیان لە مەڕ بوونی کارگەی کانزایی ڕاگەیاند.
آدرس کوتاه خبر: