سه شنبه، 15 آذر 1401
روژان پرس » اخبار » بۆ ئەندامانی ئەنجومەنی چیا و هۆگرانی

ناسر کانیسانانی

بۆ ئەندامانی ئەنجومەنی چیا و هۆگرانی

0
کد خبر: 667

بۆ ئەندامانی ئەنجومەنی چیا و هۆگرانی

بێ منەت و بێ بەرانبەر باخەوان و دشتەوان و شاخەوانی نیشتمانن و لەم ڕێبازەدا هەر وەک بینیومانە ئامادەن گیانیش بە قوربانی بکەن.
ڕۆژانپرێس: "چیا" ناوان بەرزن وەک چیاکان و سەوزن وە گەڵاکان؛ هانادەرن وەک شنەبای دارستانەکان، خاوێنن وەک کانیاوی دەشتەکان، خزمەتگوزاری سروشتن و خەمخۆری زینەوەر.
لە هەر کوێ و لە هەر کات پێویست بێ ئامادەن، چەکی دەستیان ورەی بەرزیانە و تۆشەی ڕێیان تۆشەبەرەی پڕ لە ئەوینە.
بەم هەست و هیمەتەوە ئاوڕ لە ئاور دەدەنەوە، لە بڵێسە و چڵێسی دەخەن و دەرفەتی ژیانی نوێ بە گیا و گیانلبەر دەدەن.
بێ منەت و بێ بەرانبەر باخەوان و دشتەوان و شاخەوانی نیشتمانن و لەم ڕێبازەدا هەر وەک بینیومانە ئامادەن گیانیش بە قوربانی بکەن.
دەپرسی ئەم هەموو هەستە لە کوێ و لە چی سەرچاوەی گرتووە؟ وڵامەکەی ڕوونە، ئەمانە ڕۆڵەی بە ئەمەگی گەل و نیشتمانن، بە شیری خاوێنی دایکی نیشتمان پەروەردە بوون؛ لە ئامێزی گەلدا ژیاون و هەوای خاوێنی دەشت و دوڵی نیشتمانیان هەڵمژیوە.
دەک سەلامەت بن ڕۆڵە باشەکان، دەک هەر سەر بەرز بن وەجاخە ڕۆشنەکان، بیر و کار و کردوەی ئێوە شیاوی هەزاران ئافەرینە، خۆتان شیاوی هەزاران ڕێز و حورمەتن، بەڵام داخەکەم نە من و نە زۆرینەی گەل بایەخی ئەوتۆ بە خۆتان و بیر و کارتان نادەین. ئەم پێنەزانینە پاشماوەی نەریتێکی کۆنە کە هەر لە ڕابردوو تا ئێستا لە نێو ئەم گەلەدا باو بووە و ماوەتەوە؛ نەک هەر بۆ ئێوە، بەڵکوو یەخەی فرەیەک لە تێکۆشەرانی گەل و نیشتمانیشی گرتووە، بەڵام ئەو کەمایەتیە کە خاوەن بیر و هەستن، ئێوە بە باشی دەناسن و بە باشی دەتاننرخێنن.
هەر بەرزن وەک چیا و هەر سەوزن وەک گەڵا، سەربەرزی و سەوزی وڵات لە ئێوەس.
خواتان لەگەل.
مه‌ریوان- ۱۴۰۱/۱۳/٠۶
تبلیغ

نظر شما

  • نظرات ارسال شده شما، پس از بررسی و تأیید در وب سایت منتشر خواهد شد.
  • نظراتی که حاوی تهمت یا افترا باشد منتشر نخواهد شد.
  • نظراتی که به غیر از زبان فارسی یا غیر مرتبط باشد منتشر نخواهد شد.
نام شما : *
ایمیل شما :*
نظر شما :*
کد امنیتی : *
عکس خوانده نمی‌شود
برای کد جدید روی آن کلیک کنید