دوشنبه، 7 خرداد 1403
روژان پرس » اخبار » تایبەتمەندیەکانی زمانی کوردی

تایبەتمەندیەکانی زمانی کوردی

0
کد خبر: 1841

تایبەتمەندیەکانی زمانی کوردی

«یەکێ لە تایبەتمەندیەکانی زمانی کوردی ئەوەیە کە بۆهەر دەنگێک وشەی تایبەتی خۆی هەیە جاچ دەنگی سرووشت، مرۆڤ، ئاژەڵ یا گیانداری تر بێ
ئازیزانی ڕۆژان؛ خۆڵی درگانەی ئەدەب و شاگردەچکۆلەی مەکتەبتانین...
ئەم شێعرە پێشکەشی خوێنه‌رانتان بێ کە هۆگری زمان و وشەی کوردین...

«قاسپەقاسپی» کەو لە سینگی لانسارم خۆش ئەوێ
دەنگی»هۆهۆ»ی مامەجوتیاری هەژارم خۆش ئەوێ
ئەو»گڤە»ی وا دێ لە لووتکەی سەربڵێندی لادێیەکەم
«هاژەهاژ» بەفراوی سینگی مێرگەوارم خۆش ئەوێ
«پیشقەپیشق»و»هیلکەهیلک»وبەرزە»قاقا»و»پریکەپریک»
«هوورەهوور»فرمێسکی شادی چاوی یارم خۆش ئەوێ
«گرفەگرفی»ئاگری نەورۆزی کوردستانەکەم
«زیوەزیو»بەچکەمەل و»قیژە»ی تەوارم خۆش ئەوێ
«گاڵەگاڵ»ی هەوری تووڕەی ئاسمانی دڵپڕم
«شڵقەشڵق»ی مەشکەپێسینەی هەوارم خۆش ئەوێ
وەی چ خۆشە دوور لە»بۆق»و»گرم وهۆڕ»ی شار بژی
«ڤنگەڤنگ»ی مەزرەقی دەوری دەوارم خۆش ئەوێ
«ڕەپ ڕەپان» تێکەڵ بەسۆزی ناخی بلوێری شوان
«نارەنار»و»لۆرەلۆر»ی وێردی زارم خۆش ئەوێ
«لایەلایە»ی دایه پیرەو»ئێخ»وتن بۆ چەندمناڵ
«جرتەجرت»و»پسکەپسک»ی نەوبەهارم خۆش ئەوێ
«هەوهەو»ی شوانە بەتێکەڵ»باڕەباڕ»ی مەڕ لەکەژ
«پڕمەپڕمی» ئەسپی ماندووی شاسوارم خۆش ئەوێ
«بۆقەبۆق»و»بۆڕەبۆڕ»ی پیرەگای وێڵی نزار
«قوولەقوول»ی پۆپەلارەی دوورەشارم خۆش ئەوێ
«شڵتەشڵت»چارشێوی سەوزی شۆڕەبیی ماندووی کەنار
«گوژەگوژ»ی کانیاوی بەرحەسارم خۆش ئەوێ
«هەزهەز»ی باڵ و»گمە»ی کۆتر لە باخی نیشتمان
 «چک چک»ی شەونم لە وەڵگی پیرەدارم خۆش ئەوێ
«قرپەقرپ»ئێسک وپرووسکی دوژمنی خوێنخۆری گەل
«فیشقەفیشق»ی دیتنی خوێنی نەیارم خۆش ئەوێ
دڵ کە بێزارە لە»قۆڵە»و»قیژوهۆڕ»و»شین وڕۆ»
«هوورەهوور»بارانی شادی ڕۆژگارم خۆش ئەوێ
«بێوەر»م بۆ نیشتمانم هەردەنووسم دەم بەدەم:
دەوڵەمەندی»دەنگەناو»ی کوردەوارم خۆش ئەوێ.
نووسین: ساسان مۆنفەرێد[بێوەر]
«یەکێ لە تایبەتمەندیەکانی زمانی کوردی ئەوەیە کە بۆهەر دەنگێک وشەی تایبەتی خۆی هەیە جاچ دەنگی سرووشت، مرۆڤ، ئاژەڵ یا گیانداری تر بێ کە مرۆڤی کوردبە بیستنی هەرکام لەو دەنگانە یەکسەر واتا وسەرچاوەی دەنگەکە دەناسێ کە ئەمە خۆی نیشانەی دەوڵەمەندی ئەم زمانە شیرینەیه کە بەڕێزئیبراهیمی ئەحمەدی لە کتێبێکدا بە ناوی فەرهەنگی دەنگەناو[اسم صوت]ئاماژەی بە زیاتر لە 550دانەی کردووە.
کلید واژه ها:
زمانی کوردی
دسته بندی: اخبار / فرهنگی / کوردی
تبلیغ

نظر شما

  • نظرات ارسال شده شما، پس از بررسی و تأیید در وب سایت منتشر خواهد شد.
  • نظراتی که حاوی تهمت یا افترا باشد منتشر نخواهد شد.
  • نظراتی که به غیر از زبان فارسی یا غیر مرتبط باشد منتشر نخواهد شد.
نام شما : *
ایمیل شما :*
نظر شما :*
کد امنیتی : *
عکس خوانده نمی‌شود
برای کد جدید روی آن کلیک کنید