ساسان مۆنفەرێد[بێوەر]
«نسڵ و گۆشخانی» ئاخێزگەیێ بۆ هەست/ چاوخشانێک به‌سه‌ر ژیاننامه‌ی ماجدمەزهەرپوور (ئاوارە)
شێخ ماجد لەیەکێ تر لە شێعرەکانی ئاماژە بە داستانێک لە خەییام ئەکات کە گوایە خەیام ڕۆژێ پیاڵەیەک بادە لەدەستی دایه و ڕەشەبایێ دێت و پیاڵە لەدەستی دا ئەکەوێ.
سەفەری ئەمجارەمان بەرەو داوێنی کوڕەمیانەوکۆساڵانە ودەمانەوێ دڵمان بە یادی قەڵەم بەدەستێکی ون ناوی ناوچەکەمان ئاوپرژێن کەین و ئەم کەسایەتیە مەزن و تاڵی چەشتووە زۆرتر بناسێنین بە هاووڵاتیانی ئازیز.ماجدمەزهەرپوور ناسراو بە ئاوارە
شێخ ماجدمەزهەرپوور کوڕی خالیدکوڕی شێخ مەزهەری شێخ بەهائەددینە له ساڵی 1306ی هەتاوی (1927زایینی)له ئاوایی سەربەرزی گۆشخانی لە بنەماڵیەکی زاناپەروەر وناودار چاوی بەژیان هەڵێناوە و تەمەنی کەمتر لەیەک ساڵان دەبێ کە دایکی سەییدەپیرۆزەخاتوون کە کچی سەییدتەهای سەوڵاوایە لەدەست ئەدا و لەبوون و بۆنی دایک بێبەش دەبێ هەربۆیە لە ژێرسای باواگەورەی(سەییدتەها) و لەئامێزی دایەگەورەی(مەعسوومەخاتوون)گەورەدەبێ وبەخێو ئەکرێ پاشان لەبەرکێشەیەکی بنەماڵەیی وناکۆکیەکی خێزانیەوە لەتەمەنی 18ساڵیدا سەری خۆی هەڵدەگرێت و وەک قوتابییەکی ئاوارەو بێکەس دەڕواتە خزمەت ماموستا مەلا موحەممەدی سرینجانە ولەناوچەی لەیلاخ لە ئاوایی سرنجانەدەگرسێتەوە و پاش خەتم کردنی قورئان و تێپەڕکردنی قۆناغەسەرەتاییەکانی وانەئایینیەکان و وردەکتێبەکانی ئەودەمی حوجرەکان بۆ فێربوونی زیاتر و واژاوکردنی باخی زانستی ماوەیەک لە خزمەتی مامۆستا مۆحەممەد لە ئاوایی سیس ودوواترئەچێتە ئاوایی میرەکی و لەلای مامۆستا مەلامۆحەممەدی ئەمینی میرەکی 9مانگی تر دەخوێنێ و پاشان بۆ بژیوی ژیان و بۆدرێژەدان بەخوێندن ڕوو ئەکاتە وڵاتەکانی عەرەبستان وعێراق(له باشووری کوردستان لە،شارەزوور)وپاشان دڕواتە ناوچەی گەرمیان ولەشاری هەڵبجە لەخزمەتی شێخ ئەحمەدناوێک نیشتەجێ ئەبێت وسێ ساڵ وەک دارتاش وئۆستادکارێکی خانووساز ژیانی بەڕێوە ئەبات و پاشان ئایشێ خاتوون خۆشکی مەلاحەسەنی قازی دەبێتە هاوژینی و[پاش 16ساڵ لەبەربێ منداڵی لەیەک جیا دەبنەوە کەدوواتر لەگەڵ کچەئامۆزاوێکی خۆی بەناو عوزراخاتوون کچی شێخ عەبدۆڵڵای عوسمانی لەئاوایی نگڵ ژیانی هاوبەشی پێکدێنن وسێ مناڵی بەناوەکانی سامان،سەریاس وڕێزان ئەبێ]
ئ
ەم شاعێرە بەڕێزە بەداخەوە زۆربەی شێعرەکانی لەوسەردەمەدا کەلەهەڵبجەبووە لەناوچووە و دوواتر لەساڵی 1353ی هەتاوی ڕووئەکاتەوە ڕۆژهەڵاتی کوردستان وله فەرمانگە ودایرەی کاروباری ئاو لەشاری سنە دادەمزرێت.
ەم شاعێرە بەڕێزە بەداخەوە زۆربەی شێعرەکانی لەوسەردەمەدا کەلەهەڵبجەبووە لەناوچووە و دوواتر لەساڵی 1353ی هەتاوی ڕووئەکاتەوە ڕۆژهەڵاتی کوردستان وله فەرمانگە ودایرەی کاروباری ئاو لەشاری سنە دادەمزرێت.شێخ ماجد شێعری زۆری هۆنیوەتەوە کە زۆربەیان فەوتاون و دەسنوویسەکانیشی هێشتابەچاپ نەگەیشتوون و لە شێعرەکانیدا نازناوی ئاوارە و ماجدی بۆ خۆی هەڵبژاردووە و ناوەڕۆکی شێعر و نەزمەکانی نیشتماندۆستی و دڵداری، سروشت، ئایینی و...یه و لە بۆاری شێعری تەنزیشدا قەڵەمی هێناوەتە گەڕ و لە گەڵ شاعێرێکی هەجمنەییدا بەناوی سادقی هەجمنەی وڵامی یەکتریان بە شێعر داوەتەوە.
بەڕێز ئاوارە لە 26ی گەڵاڕێزانی ساڵی 1379 بەهۆی نەخۆشینی دڵەوە بۆ هەتایه ماڵاوایی له ژیان دەکات و لەشاری سنە ئەسپەردە دەکرێت.
ئەمەش چەند نموونە لەشێعرەکانی شێخ ماجدی مەزهەرپووری گۆشخانی:
بۆ فەوتی شێخ مۆحەممەد مۆعتەسم کوڕی شێخ حیسامەددین
فەهیم و زاهێد و زانا چرای ڕێگەی ژیانم ڕۆ
مۆحەممەد مۆعتەسم ڕەهبەر تەرێقەی نەقشیانم ڕۆ
دەلیل و داوەری دەرکی تەریقەی قافڵەی پاکان
شۆعاعی شەمعی مەحفەلی سفوونی سۆفیانم ڕۆ
گوڵی شاکاری یەزدانی لە باخچەی ئاڵی عۆسمانی
مۆحێبی پیری گەیلانی شەهی شیرین‌زمانم ڕۆ
شەفای دەردانی بێدەرمان، مۆئەدەب هەر وەکوو لۆقمان
مەتاعی مەعرێفەت، ناتێق، سەرۆکی عارفانم ڕۆ
زەعیمی سابت و سالم تەرێقەی شەرعی پێغەمبەر
گوڵی ئاماڵی زاتی گوڵبەهاو شاە حیسامم ڕۆ
شکا پشتی بڕا جەرگی، گرۆی سۆفی لەگەڵ دەروێش
بە چاوگریان بەدڵ ماتەم ئەڵێن شێعری ژیانم ڕۆ.
شێخ ماجد لەیەکێ تر لە شێعرەکانی ئاماژە بە داستانێک لە خەییام ئەکات کە گوایە خەیام ڕۆژێ پیاڵەیەک بادە لەدەستی دایه و ڕەشەبایێ دێت و پیاڵە لەدەستی دا ئەکەوێ.و ئەمیش ئەم چەند بەیتەی بۆ دائەنێ:
ابریق می مرا شکستی ربی
برمن در عیش را ببستی ربی
من می خورم و تو میکنی بدمستی
خاکم بە دهن مگر تومستی ربی
خیام
کە مامۆستا هەژاریش ئاوا کردویەتی بە کوردی و ئەفەرمێ:
شووشەی مەیەکەت بۆچی ڕژاندم خوایه
وەک شوشە نەشەو دڵت شکاندم خوایە
مەیخۆرە منم کەچی یەکێ تر دەگرێ
بمبورە لە پەردەدا گەیاندم خوایه
کاک ماجدیش وای نووسیوە:
ئەزانم یەک جار کەزاتی یەزدان
پیاڵەی پڕلەمەی خەییامی ڕژان
کردی بە گاڵە بەبێ چەن و چوون
نەفرینی ئەنارد بۆچەرخی گەردوون
لە کوردستانا داد بەرین بۆ کێ؟
ڕەز و خاوەن ڕەز وەک یەک ئەسووتێ؟
ئێمە گەر پاک و گەر پیس و بەدخۆین
هەرچی هەین ڕاستی خۆ ئۆممەتی تۆین
بۆ چەرخی ڕەحمی گەردوون سواوە؟
میللەتی کوردی لە بیر نەماوە.
لەگەڵ هەورامان
هەورامان دایکی گوڵانی بەهار
شەهکاری سەربەرز زاتی کردگار
جامخانەی چەمەن گوڵی یەزدانی
بەهەشتی شیرین جە زندگانی
جێگەی مەلان و کەوان وکاوان
خۆڕخۆڕەی ئاووکانی وشەتاوان
شانە ئەگریجەی شای دیدەکاڵان
جێگەی ئەندیشەی ناسک خەیاڵان
جێ ساز وئاواز بەزم وگۆرانی
مەڵبەندی شادی ڕێ کامەرانی
مەلی کۆساری کەدەچریکێنی
دڵی دڵداران دائەخورپێنی
بەسیاچەمانەو بەسۆزی دەروون
دەنگ ئەهوورایی دەگاتە گەردوون
کانیاوودارو بەردی کۆساران
شادئەبێ وێنەی دڵی دڵداران
گوڵی ژێرخاک و شەوبۆ و وەرکەمەر
بەشادی وخەندە سەردێنێتە دەر.
سەرچاوەکان: دەسنووسەکانی شاعێر و ژیاننامەیەک بە دەستخەتی خۆیان کە 3ی سەرماوەزی ساڵی 1375 نووسیویانە
وتووێژی ساڵانی پێشووم لەگەڵ کاک عەرفانی مەزهەرپوور و کاک پەیمانی مەزهەرپوور و هەروەها کتێبی کاروانی پێنووس.
آدرس کوتاه خبر: